الخازوق

الخوازيق..

الخوازيق اللي في حياتنا متعددة.. و مختلفة تمام الإختلاف فى الأحجام والأشكال..

ومتعددة في الوقت ذاته من اتجاه الخازوق اللي جي عليك....

تبقى قاعد في حالك كده.. كافي خيرك شرك..

وهوب تلاقي نفسك لبست يا حبت عيني في خازوق...

خازوق يجي في الشغل...

خازوق من حد بتحبه... 

سواء كان بقى صديق أو حبيب... أو أي حد بتحبه وخلاص..

تتناسب بقى شدة تأثير الخازوق طردياً مع معزِّة مُوجِه الخازوق..

يعني مثلاً لو حد معاك في الشغل هو اللي لبسك في الخازوق.. مش هيبقى تأثيره زي لو صديق العمر هو اللي عمل كده..

لأن ببساطة في الحالة الأولى، هيبقى الخازوق.. مجرد خازوق ،بيوجع بس برضه مجرد خازوق...

لكن في الحالة الثانية هتكون جريمة عظمى لا تُغتفر.

الحاجة الأوحش والمشتركة بين كل الخوازيق، إنها بتبقى غير متوقعة..

طبيعي... ما هو خازوق!!

الصدمة بتبقى في بعض الأحيان غير مصدقة..

إللي هو إزاي بعد كل ده والعشرة ... تلبس في خازوق شيك زي ده؟؟؟

وهنا تأتي المقولة الشهيرة بتاعة.. إعرف صاحبك وعلم عليه.. 
والمقولة الأكثر شهرة دلوقتي.. مافيش صاحب، يتصاحب...

لأن اللي لبسك الخازوق مرة... مش هيفكر ولا هيتردد إنه يلبسهولك ثاني وثالث...

إزي الصحة؟؟؟

يا رب دايماً كويسين.