روحي وروحك

مش معنى انك عايش إن روحك معاك...

ممكن تكون روحك في حتة تانية خالص...

بتتنفس
بتاكل
وبتنام...

بس روحك ممكن ماتبقاش معاك..

جسم عايش... بس مافيهوش روح.. 

فاضي...

ويكمن دائماً السؤال .. 

فين الروح؟؟

الروح بتتكلم وبتحب وبتشوف...

ممكن تبقى بتحب حد عادي..

بس في حالات ممكن تبقى روحك هي اللي بتحب روحه...

وهنا لازم نقف...

حب الروح ده... مش بيتكرر كتير...

لأنك في الحالة دي بتشوف وبتسمع وبتحس باللي إنت عشقته من غير حتى ما عينك تشوفه...

الروح دي عاملة زي المرسال.. ممكن تبعتها لحبيبك..

لما تحس بنسمة هوا فيها ريحة البرفان بتاعه..

لما جسمك يرتعش... من احساس ضمته ليك...

لما تنام وتحس أنه جمبك...

لما تصحى من النوم رايق.. 

لأنه كان معاك طول الليل في أحلامك..

في كل الأحوال.. عشق الروح .. ده حياه.. مش كل الناس بيعيشوها...

لو ربنا كرمك بالعشق ده.. 

ما تتخلاش عنه...