ابويا واحشني... أوي
كانت تفرق يا بابا لو كنت موجود دلوقتي
دايماً كنت حاسة ان زعلانة اوي بس تمام.. الحياة ماشية
بس اكتشفت ان لا... ما مشيتش..
في حاجة اتكسرت وعمرها ما إتصلحت
شبح الكأبة بقى دايما في البيت...
بقى مظلم...
مهما حاولنا نتبسط...
مش بأيدينا... حاولنا ...
ماما حاولت... حاولت أوي...
بس والله مش بأدينا...
عمري ما تخطيت اللي حصل ومابقتش حاسة إني هعرف
دايماً برجع للنقطة صفر...
دايما في حاجة ناقصة...
دايما روحي في حتة منها مش موجودة… حتة مكسورة وضايعة
وعمري ماعرفت ارجعها او اداويها…
بس مافيش في أيدي حاجة غير اني ادعيلك بالخير وأحاول اكمل
أحاول اتبسط
أحاول ماخفش من اللي جي.
احاول ما اتوترش من المجهول….
بس عارفة أنك مش هتبطل توحشني ولا أني مش هفضل حزينة على فراقك.
الله يرحمك يا بابا...
No comments:
Post a Comment