انهاردة...
وانا نازلة اركب العربية...
وكان بليل والشارع ضلمة حبتين...
المهم... ببص لاقيت حاجة سودة على العربية...
استجمعت قوايا واخدت نفس عميق...
واتجهت ناحية العربية...
لاقيته كلب في حالة من السكون والاسترخاء...
قعدت بصاله شوية
عملت اصوات كده اشوف هيصحى ولا ايه ظروفه...
اتحرك شوية بس كمل انتخة عادي...
صعب عليا ... فروحت ناحية الباب وفتحته براحة...
وركبت العربية...
وقعدت بقى اتفرج عليه...
وانتابتني حاله من الهدوء والسكينة...
فضلت شوية كدة مستنياه يصحصح كده... بس كان مع اسفي الشديد لازم اتحرك
المهم دورت العربية
و هو لما حس بالعربية انها اتحركت...
قام و اتمطع واخد وقته... وانا الصراحة سيبته...
ونزل في سلام وبكل هدوء...
كل ده بقى خلاني افكر في لو حد تاني حصل معاه كده...
كان هيعمل ايه؟؟
اقل حاجة... كان الشخص ده هيزعق... ده اقل واجب...
او مثلا هيزغد الكلب ده بحاجة علشان يقوم
او ممكن كان يدخل ويكلكس علشان يفزعه ويقومه...
وبرضه نفس اللي انا عملته كان ممكن يتعمل...
الفكرة ان الحيوانات دي ارواح...
الكلب ده روح... وبيحس ...
حصل ايه لما اتعاملت كويس معاه... ما هو مضرنيش!
ولا حاجة...
بالعكس.. انا حسيت بالهدوء والسكينة لما شفته في الحالة دي...
سبحان الله ... له في خلقه شئون
No comments:
Post a Comment