الخروف

هو الخروف دلوقتي عنده فرو

والفرو ده بيدفيه في الشتاء و بيدفي ناس تانية كتير

التساؤل هنا... 

في الصيف بقى... الخروف بيعمل ايه؟ 

الدنيا بتبقى حر اوي

يعني احنا بنبقى لابسين خفيف جداً وقاعدين في التكييف

لكن هما كأنهم لابسين صوف على طول! 

في عز الاحتباس الحراري ودرجات الحرارة العالية اللي عمرنا ما وصللنالها قبل كده... 

المهم الفكرة دي خليتني ادور عالنت واشوف كده ايه العمل

فتوصلت إلى إن الناس بتقص الفرو ده على دخلة الصيف... علشان يقللوا الحرارة عليهم

فاتبسطت... 

بس جه في دماغي ان في خرفان في البرية مالهمش حد... 

محدش بيهتم بيهم... ولا يقصلهم فروتهم... 

زعلت تاني 

دورت تاني عالنت

لاقيت ان الخرفان اللي في البرية دول بيتنقلوا بقى على حسب الجو ... 

بمعنى انهم بيطلعوا على الجبال العالية مثلاً، علشان الحر بيبقى اقل في الحتت العالية... 

فاتبسطت تاني...

بس كده خلاص...