يلعن أبو الحظ

يلعن أبو الحظ والمحلسة اللي تخلي الواحد تعيس في حياته...

بيتفرج عالناس وهي ماشية في حياتها

وهو كل خطوة طلعله فيها خاروق او حفرة

هو المشي دهري حصله ايه؟

ويلعن أبو الناس اللي معندهاش ضمير

وبتتعمد تأذي أو تغير شكل مستقبل ناس تانية لمجرد أنهم يقدروا...

أيه القرف ده...

ليه أبقى قاعدة في مكان كل الناس فيه بميت وش..

ولو انت كنت بوش واحد.. ف دي مشكلتك... وشيلها لوحدك...

ومش بس كده...

دا انت هتتعاقب وكرامتك هتتهان لمجرد أنك ماشي في حالك ودهري

ومش بتحاول تتمحلس ولا تمشي أمورك في الغلط.

وهيطلعوا الناس اللي مابتفهمش فوقيك كمان،، علشان عارفين يتمحلسوا ويطبلوا كويس...

ليه بقت الناس بتشوف الغلط وتسكت؟؟

ليه محدش بيحاول يقف في وش الظالم ويرده عن اللي هو بيعمله؟؟!

ما اللي ظلم حد قدامك انهاردة، وأنت سكتت،،، ممكن يظلمك أنت بكرة..

الحياه بقت سودة ومقرفة...

أمي دايماً بتقول " الدنيا من غير ناس، ما تنداس"

بس أنا خلاص،، تيقنت انه بجد قلتهم احسن...

بقيت شايفة حولي نماذج قذرة من البشر معظم الوقت...

مابقتش عارفة أثق في حد...

اللي عامل نفسه ملاك وصديق، وهو أصلاً بيخزوق في الظل...

أو بلاش،،، يكون باصصلك في الحاجة اللي معاك، بالرغم من انها ممكن تكون أقل بكتير من اللي معاه.. بس هو مش عايزك تبقى كويس..

وامنية حياته أنه يشوفك مكسور...

والمشكلة أنه الضربة أو الخيانة ممكن تيجي من أي حد... مهما كان قريب..

وبتبقى غير متوقعة ومؤلمة...

متهيألي أنه الناس الوحيدة اللي لا يمكن يأذوك بأي شكل هما أبوك وأمك...

وأكيد ربنا شايف وعارف كل حاجة..

وهيبقى فيه حساب عنده أحسن من اللي هنا J