اللي يشوف العالم ورؤية العالم قبل الكورونا … ماحدش كان متخيل ان العالم كله هيتوقف…
هيتوقف بالمعنى الحرفي للكلمة…
مفيش محلات… مفيش ناس ماشية في الشارع….
في اي حتة في العالم…
ناس كتير فقدت ناس عزيزة عليها…
ناس تخلت عن الحيوانات الاليفة اللي عندهم… وسابوهم في الشارع…
سوبر ماركتس فضيت من الشراء المبالغ فيه كأننا داخلين على النهاية…
كل اللي بيحصل في افلام نهاية العالم حصل…
والملفت للنظر ان في اخر افلام نهاية العالم … الناس بترجع بمنظور جديد لكل حاجة حولهم…
بس في الحقيقة بقى…ماحصلش كده… بدل ما الناس تفهم ان كل المجهود ممكن يقف ويضيع في ثانية…
لا…
بيحاولوا يسرعوا ويفركوا علشان يلحقوا يخلصوا اللي فاتهم…حرفياً
مع انهم خلاص بقوا عارفين ومتأكدين ان كل حاجة ممكن تنتهي في لحظة….
طيب انا عايزة ايه من كل الكلام ده؟؟
ولا حاجة… انا بس كنت بفكر في الموضوع ده واتسحلت… فقولت شير في الخير…
فكروا… وخدوا وقتكم… واستمتعوا… وبطلوا جري ولهاث وراء اشياء يمكن ان تحققها في اي وقت اخر….
No comments:
Post a Comment